ਮੇਰਾ ਖੁਦਾ ਮੇਰੇ ਲਈ
ਰੋਟੀ ਵਾਂਗੂੰ ਤੋੜਿਆ ਗਿਆ
ਬੜੇ ਜ਼ੁਲਮ ਸਹੇ ਓਸ ਨੇ
ਨਾਲ ਕੋੜਿਆਂ ਦੇ ਮਾਰਿਆ ਗਿਆ
1. ਲਹੂ ਕਤਰਾ-ਕਤਰਾ ਬਹਿ ਗਿਆ
ਮੇਰੇ ਲਈ ਓਹ ਸਭ ਕੁਝ ਸਹਿ ਗਿਆ
ਵਾਂਗਰਾਂ ਕਰੂੰਬਲਾਂ ਦੇ
ਓਹ ਪੈਰਾਂ ਚ ਮਧੋਲਿਆ ਗਿਆ
ਬੜੇ ਜ਼ੁਲਮ ਸਹੇ.......
2. ਜਗ੍ਹਾ ਜਿਸਮ ਤੇ ਜ਼ਖ਼ਮਾਂ ਤੋਂ ਵਾਂਝੀ ਨਾ ਰਹੀ
ਝੱਲੇ ਦੁੱਖ ਜਾਨ ਜਿੰਨਾ ਚਿਰ ਜਾਂਦੀ ਨਾ ਰਹੀ
ਫੁੱਲ ਜਿਉਂ ਗੁਲਾਬ ਦਾ ਹੋਵੇ
ਇੰਝ ਤਲੀ ਤੇ ਮਰੋੜਿਆ ਗਿਆ
ਬੜੇ ਜ਼ੁਲਮ ਸਹੇ.......
3. ਹੋਇਆ ਸਭ ਕੁਝ ਮੇਰੀਆਂ ਸ਼ਿਫਾਵਾਂ ਦੇ ਲਈ
ਮੇਰੀ ਬਦੀਆਂ ਮੇਰਿਆਂ ਗੁਨਾਹਾਂ ਦੇ ਲਈ
ਓਹ ਜ਼ਮੀਨ ਉੱਤੇ ਦੀਨ ਬਣਿਆ
ਓਹਦੇ ਲਹੂ ਨੂੰ ਨਚੋੜਿਆ ਗਿਆ
ਬੜੇ ਜ਼ੁਲਮ ਸਹੇ.......
No comments:
Post a Comment