Sewak khuda de. Punjabi masihi geet. Christian worship song. Lyrics in Punjabi. Ankur narula ministries
ਖਾਕ ਵਿੱਚੋਂ ਚੁੱਕ ਉੱਚਾ ਕੀਤਾ ਅਸਮਾਨ ਤੋਂ
ਸਦਾ ਹੀ ਖੁਦਾ ਦੀ ਪੂਰਾ ਮਰਜ਼ੀ ਨੂੰ ਕਰ
ਜ਼ਿੰਦਾ ਲੋਕਾਂ ਨੂੰ ਖੁਦਾ ਦਾ ਪੈਗਾਮ ਦਿੰਦੇ ਨੇ
ਭਾਗਾਂ ਵਾਲੇ ਲੋਕ ਤੇ ਉਹ ਭਾਗਾਂ ਵਾਲਾ ਘਰ
ਜਿੱਥੇ ਸੇਵਕ ਖੁਦਾ ਦਾ ਕਲਾਮ ਦਿੰਦੇ ਨੇ
1. ਅੱਗ ਵਿੱਚ ਜਿਵੇਂ ਸੋਨਾ ਨਿੱਖਰ ਕੇ ਆਉਂਦਾ ਏ
ਇੰਝ ਰੱਬ ਸੇਵਕਾਂ ਨੂੰ ਸਦਾ ਚਮਕਾਉਂਦਾ ਏ
ਦੇਕੇ ਉਹ ਉਕਾਬਾਂ ਵਾਲਾ ਜ਼ੋਰ ਬਲਹੀਣਾਂ ਨੂੰ
ਅੱਤ ਦੇ ਤੂਫਾਨਾਂ ਵਿੱਚ ਉੱਡਣਾ ਸਿਖਾਉਂਦਾ ਏ
ਪੌਲੁਸ ਯੂਹੰਨਾ ਵਾਂਙੁ ਸਿੱਖਿਆ ਨੂੰ ਦੇਕੇ
ਪੱਕਾ ਕਰ ਸਾਰੇ ਲੋਕਾਂ ਦਾ ਇਮਾਨ ਦਿੰਦੇ ਨੇ ।
2. ਜੋ ਵੀ ਕੋਈ ਗੱਲ ਦਾਸ ਬੋਲਦੇ ਜ਼ੁਬਾਨ ਤੋਂ
ਕਰ ਦਿੰਦਾ ਪੂਰਾ ਰੱਬ ਸੁਣੇ ਅਸਮਾਨ ਤੋਂ
ਸਾਹਾਂ ਤੋਂ ਪਿਆਰਾ ਰੱਬ ਜਾਣਦਾ ਏ ਦਾਸਾਂ ਨੂੰ
ਕੁੱਝ ਵੀ ਨਹੀਂ ਜ਼ਿਆਦਾ ਉਹਨੂੰ ਸੇਵਕਾਂ ਦੀ ਜਾਨ ਤੋਂ
ਰਹਿੰਦੇ ਉਹ ਯਹੋਵਾਹ ਦੇ ਇਮਾਨ ਵਿੱਚ ਪੂਰੇ
ਤਾਹੀਓਂ ਲਫ਼ਜ਼ਾਂ ਦਾ ਰੋਕ ਉਹ ਤੂਫਾਨ ਦਿੰਦੇ ਨੇ ।
3. ਹੁੰਦੇ ਛੁਟਕਾਰੇ ਭੇਦ ਦਿਲਾਂ ਵਾਲੇ ਖੋਲ੍ਹਦੇ
ਵੱਡੇ ਕੰਮ ਹੁੰਦੇ ਉਹਦੇ ਦਾਸ ਜਦੋਂ ਬੋਲਦੇ
ਹੁੰਦੀ ਨਾ ਉਹਨਾਂ ਨੂੰ ਕਦੇ ਘਾਟ ਕਿਸੇ ਚੀਜ਼ ਦੀ
ਸੋਨੇ ਚਾਂਦੀਆਂ ਨੂੰ ਉਹ ਮਿੱਟੀ ਜਿਹਾ ਤੋਲਦੇ
ਰਾਜਿਆਂ ਦੇ ਵਾਂਙੁ ਉਹ ਜ਼ਿੰਦਗੀ ਨੂੰ ਜਿਉਂਦੇ
ਕਿਉਂ ਜੋ ਰਾਜਿਆਂ ਦੇ ਰਾਜੇ ਦਾ ਉਹ ਨਾਮ ਲੈਂਦੇ ਨੇ ।
4. ਆਉਂਦਾ ਏ ਯੂਸੁਫ਼ ਵਾਂਙੁ ਲੜਨਾ ਹਾਲਾਤਾਂ ਨਾਲ
ਆਤਮਾ ਚ ਰਹਿੰਦੇ ਚੱਲਦੇ ਨਾ ਜਜ਼ਬਾਤਾਂ ਨਾਲ
ਆਪਣੇ ਵਿੱਚੋਂ ਉਹ ਸਦਾ ਯਿਸੂ ਨੂੰ ਵਿਖਾਉਂਦੇ ਨੇ
ਟੁੱਟਦੇ ਕਦੇ ਨਾ ਲੋਕਾਂ ਦੀਆਂ ਗੱਲਾਂ ਬਾਤਾਂ ਨਾਲ
ਏਲੀਯਾਹ ਦੇ ਵਾਂਙੁ ਸਦਾ ਰੱਖਦੇ ਦਿਲੇਰੀ
ਨਾ ਉਹ ਲੋਕਾਂ ਦੀਆਂ ਗੱਲਾਂ ਤੇ ਧਿਆਨ ਦਿੰਦੇ ਨੇ ।
No comments:
Post a Comment